網紅的藏寶箱介紹返，參考一下偉大光明正義兼一定正確嘅黨喉舌《人民網》所講：「奉公守法，何懼之有？」
林鄭其實點解咁驚唔敢修訂《防賄條例》？如果行得正企得正，唔打算去食鮑魚，又或者見鮑即閃，又驚乜嘢修訂《防賄條例》呢？
你奉公守法唔食鮑魚，又何懼《防賄條例》會削弱特首權威呢？
話時話，中國啲省長級人馬（例如胡長清）都可以因貪腐而受刑責（打靶啫）。點解區區一區之首嘅香港特首，會覺得自己身份超然啲，唔肯跟隨全國反貪路線，係要將自己豁免呢？
喺佢嘅心入面，到底放唔放中央喺眼裡呢？到底係「一國」大啲，定「兩制」大啲呢？